Liber Isaiae Prophetae*
Caput 40: Versus 1
Consolamini.Quasi dicat: Quia rex vester non compatitur vobis, consolamini Christo. Potest ad gentes referri, de quibus Dominus per Zachariam:Ego congregabo populum orientis, et erunt mihi in populum, et ego ero illis in Deum[Zach. 8.].Loquimini ad cor.[HIER.]Ad cor loquitur qui moestum consolatur, sicut de Sichen dicitur:Locutus est Sichen ad cor ejus, et consolatus est eam[Gen. 24.].Jerusalem.Jerusalem a Chaldaeis et Romanis corpore et anima; Ecclesia a persecutoribus corpore cruciata, animo angustiata.Malitia ejus.Malitia afflictio sicut illud:Si est malum in civitate quod non faciat Dominus[Amos. 3.].Dimissa est.Causa consolationis, remissio peccatorum, etc., usque ad quia purgata sunt et soluta per poenas.